SPUJMAY ZARYOB HIKOYALARIDA OILAVIY MUNOSABATLAR VA AYOL KECHINMALARINING BADIIY IFODASI

Annotatsiya

Adabiyot har bir xalqning ma’naviy yuksalish darajasini ko‘rsatuvchi mezon bo‘lib, uning boshidan kechirgan ma’naviy-ma’rifiy tajribalarining ifodasidir. Ma’l­um­ki, o‘zida juda katta ijtimoiy kuchni mujassamlashtirgan badiiy adabiyot inson ongining o‘sishiga va tafakkur doirasining kengayishiga, estetik didning shakllanishiga faol ta’sir ko‘rsatadi. Afg‘oniston dariyzabon adabiyoti rivojida nasrchilik yo‘nalishidagi hikoya janri­ning rivojlanishi, Spujmay Zaryob ijodidagi hikoyalarda oilaviy munosabatlar va unda ayolning o‘rni, hikoyalarning sujeti va kompozitsiya tuzilishi afg‘on realistik hikoyalaridagi o‘xshash jihatlar tahlil qilingan. Mazkur maqolada Afg‘oniston dariyzabon adabiyotida hikoya janrining shakllanishi, unda XX asrning 60–70-yillaridan e’tiboran ushbu adabi­yot­ning nasriy janrlari, jumladan, hikoyachilikda jiddiy rivojlanishida Spujmay Zaryob hikoyalarida jamiyat muammolarini haqqoniy ko‘rsatib berish va undagi yorqin, keng ko‘la­mli qiyofalar, qahramonlar obrazini yaratishda, turli janriy shakllar va badiiy uslublardan foydalanish, izlanishlar kuzatiladi. Zamonaviy dariyzabon adabiyoti jamiyatdagi ayrim muammolarni, tartibsizliklarni, tengsizlik va zo‘ravonlik dunyosini badiiy tasvirlashda muvaf­faqiyat qozongan. Spujmay Zaryob asarlarida jamiyat hayotining turli ijobiy va murakkab ko‘rinishlari, ayol kishining qanchalar mustahkam iroda sohibasi ekanligi, oilasi va farzandlari uchun har qanday ishni qilishga tayyorligi tahlilda ochib berilgan.