HINDIY TILI ANTROPONIMLARI

Annotatsiya

Maqolamizning  mavzusi – hindiy tili antroponimlari bo‘lib, bu mavzu o‘zbek hindshunosligida  birinchi marta yoritilyapti.  Insonlarga berilgan shaxs ismlari har bir tilda oʻziga xos ismlarning katta guruhini tashkil qiladi. Tilshunoslikda kishilarning nomlari antroponimlar deyiladi. Hind antroponimlari shaxs nomi, taxallusi, laqabini ifodalaydi va hind xalqining asrlar davomida shakllangan madaniy-ma’naviy merosi, an’anaviy urf-odatlarining namunasidir. Tadqiqot mavzusining maqsadi hind tilining antroponimlarini tahlil qilish, uning boshqa tillarning onomastik tizimlariga xos bo‘lmagan xususiyatlarini o‘rganishdan iborat. Har bir tildagi o‘ziga xos ismlarning katta guruhi kishilarga berilgan shaxsiy nomlardir. Har qanday tilning lug’aviy tarkibi xalqning ma’naviy madaniyati, ijtimoiy munosabatlari, an’analari, turmushi, urf-odatlari ism-shariflarining o‘ziga xos xususiyatlarini aks ettiruvchi so‘zlar majmuasidan iborat. Onomastikada, xususan, antroponimikada bu majmua eng yaqqol namoyon bo‘ladi: o‘ziga xos nomlar inson hayotida katta ahamiyatga ega bo‘lib, ular barcha tabiiy-biologik, ijtimoiy-tarixiy, madaniy, ishlab chiqarish jarayonlarining asosiy boshqaruvchi  rolini o‘ynaydi. To‘g’ri ismlar lug’aviy zaxiramizning alohida qismi bo‘lib, nafaqat lisoniy ma’lumotlar yig’indisini, balki ekstralingvistik jarayon va ob’yektni ham aks ettiradi. Ekstralingvistik hodisalar onomastik tadqiqotlarning o‘ziga xosligi va ustuvorligini tashkil qiladi.