BUYUK IPAK YO‘LIDA JOYLASHGAN QADIMGI FARG‘ONA SHAHARLARINING O‘RGANILISHI VA TURIZM SALOHIYATI

Annotatsiya

Maqola Buyuk ipak yo‘lida joylashgan qadimgi Farg‘ona shaharlari tarixi va turizm salohiyatiga bag‘ishlangan bo‘lib, unda bugungi kunda Farg‘ona vodiysida joylashgan shaharlarning tarixiy o‘rganilishi haqida fikrlar bildirilgan. Shuningdek, vodiydagi tarixiy-arxeologik yodgorliklarning ahamiyati va ularning turizmdagi o‘rni tahlil qilingan. Qadimda Xitoyning g‘arb davlatlari bilan savdo-sotiq faoliyatida  o‘ziga xos ko‘prik vazifasini bajargan Farg‘onaning savdo karvonlari o‘tgan shahar va qishloqlari tarixini mukammal o‘rganib, turizm yo‘nalishida uning yutuqlaridan foydalanish kerakli xususida ma’lumotlar maqoladan o‘rin olgan. Bugungi kunda butun dunyo xalqlarini e’tiborini jalb etib kelayotgan Axsikent, Quva, Chust va boshqa vodiyning mashhur qadimgi shaharlarini sovet davri va mustaqillik yillarida tadqiq etgan arxeologlarning xulosalalari keltirilgan. “O‘zbekturizm” Milliy tashkilotining yordamida Buyuk ipak yo‘lidagi joylashgan qadimgi manzilgohlar joylashgan arxeologik, tarixiy va madaniy obyektlarni qaytabunyod etish, tiklash va ulardan to‘g‘ri foydalanish bo‘yicha yaratilgan “Meros” dasturi haqida ham biroz ma’lumotlar berib o‘tilgan. Farg‘ona va Andijon o‘lkashunoslik muzeylarining qo‘shma ekspeditsiyalari va ularning natijalari keltirilgan. 62-“Xalqaro Gullar festivali” doirasida tashkil etilgan “Farg‘ona vodiysida turizm: yangi Axsikent turizm markazini yaratish” mavzusidagi xalqaro ilmiy-amaliy konferensiyasi haqida ham ma’lumotlar keltirilgan.