XORAZMLIK BUYUK MUTAFAKKIR MAHMUD AZ-ZAMAXSHARIYNING MAQOMALARIDA QURʼONIY OBRAZLAR VA MOTIVLAR

Annotatsiya

Ushbu maqolada Xorazmdan chiqqan mashhur oʻrta asr filologi, adibi va faylasufi Abu-l-Qosim Mahmud az-Zamaxshariyning maqomalaridagi Qurʼoniy motivlar va obrazlar tahlil qilinadi. Qurʼonning mukammal bilimdoni va tafsirchisi boʻlgan u, “Al-Kashshaf” asarida muqaddas kitobni nafaqat diniy koʻrsatmalar nuqtayi nazaridan, balki filolog sifatida ham sharhlaydi. U Qurʼonning uslubiy fazilatlari, lugʻaviy boyligi, ritorikasi va iboralarining goʻzalligini chuqur oʻrganishga eʼtibor qaratgan ilk mutafakkirlardan biri edi. Qurʼon taʼsiri az-Zamaxshariyning badiiy adabiy merosida ham namoyon boʻlib, u oʻz asarlarida koʻplab Qurʼoniy reminissensiyalar va obrazlarni joylashtirgan boʻlib, ular turli maʼnoviy yukni oʻz ichiga oladi.