MILLIY IDENTLIKNI SHAKLLANTIRISH VA RIVOJLANTIRISHDA ARAB MAʼRIFATPARVARLARINING ROLI

Annotatsiya

Ushbu maqolada arab jamiyatlarida maʼrifatparvarlar taʼlim, madaniyat, fan va falsafa sohalarida, islomiy sivilizatsiyaning gullab-yashnashida qanday muhim rol oʻynaganliklari, maʼrifatparvarlarning ijtimoiy, madaniy va ilmiy jihatdan qanday taʼsir koʻrsatganliklari va ularning merosining bugungi kunda qanday ahamiyatga ega ekanligi haqida batafsil maʼlumot beriladi.  Shuningdek, arab-musulmon sivilizatsiyasi tarixining turli bosqichlarida uning madaniy va ilmiy rivojlanishiga arab maʼrifatparvarlarining qoʻshgan hissasini tahlil qilish va baholash, arab maʼrifatparvarlarining asosiy guruhlari boʻlgan olimlar, faylasuflar, adiblar va boshqalar hamda ularning faoliyat sohalarini koʻrib chiqish; falsafa, adabiyot, tabiatshunoslik, tibbiyot, geografiya va boshqa sohalarning rivojlanishida maʼrifatparvarlarning rolini aniqlash; arab maʼrifatparvarlarining qarashlari va qadriyatlari evolyutsiyasini tarixiy sharoit bilan bogʻliq holda tahlil qilish, maʼrifatparvarlar faoliyatining oʻrta asrlar va yangi davrda arab-musulmon madaniyati va ilm-fani taraqqiyotiga umumiy taʼsirini baholash, shuningdek, arab sivilizatsiyasi taraqqiyotidagi eng muhim omil sifatida arab maʼrifatparvarlarining rolini har tomonlama oʻrganishga qaratildi