HU SHI TIL ISLOHOTLARINING ZAMONAVIY XITOY SHE’RIYATI SHAKLLANISHIDAGI AHAMIYATI

Annotatsiya

Annotatsiya: Hu Shi (1891―1962) 20-asr Xitoy adabiyotshunoslari orasida yirik shaxs hi¬sob¬lanadi. Uning adabiy nazariyalari, ayniqsa, baihua tili asosida yangi she’r yaratish bo‘yicha qa¬rashlari, xitoy adabiyotining yangilanishida muhim rol o‘ynadi. Hu Shi Xitoyning adabiy an’ana¬larini yangilash va zamonaviy talablar asosida qayta shakllantirish g‘oyalarini ilgari surgan adib sifatida tanilgan. Uning islohotlari nafaqat lingvistik soha, balki umummadaniy va ijtimoiy jarayonlar modernizatsiyasiga ham chuqur ta’sir qilgan. Hu Shi o‘z faoliyatining bosh¬lang‘ich davrida an’anaviy xitoy she’riyatini zamonaviy badiiy ifoda usullari bilan boyitishga intildi. Biroq vaqt o‘tishi bilan u o‘zining yangi she’riyatga bo‘lgan paradigmalarini o‘zgartirdi va an’anaviy uslublarni to‘la rad etish orqali yangi demokratik va ko‘proq muloqotga yo‘nal¬tirilgan she’riyat g‘oyasini jadal ilgari surdi. Jarayon, ayniqsa, baihua tilining adabiyotda katta miqiyosda qo‘llanilishi orqali amalga oshirildi, bu esa keng jamoatchilikka she’riyatni yanada yaqinlashtirish uchun xizmat qildi. Hu Shining bu harakatlari adabiyotda demokratik prinsiplarni kuchaytirishga olib keldi. U she’riyatni oddiy xalq tili asosida qayta yaratish orqali keng ommaga yaqinlashtirdi va shu tariqa, madaniy va ijtimoiy jarayonlarga ham sezilarli ta’sir ko‘rsatdi. Baihua tilida yangi she’r yaratish orqali Hu Shi adabiyotda tabiiylik va oddiylikni targ‘ib qildi. Bu harakat nafaqat adabiy uslublarni o‘zgartirdi, balki Xitoyning madaniy va ijtimoiy hayotini ham yangilashga xizmat qildi. Hu Shi o‘z islohotlari orqali Xitoy adabiyotiga yangi yo‘nalish berdi va yangi she’riyatni keng jamoatchilikka tanishtirishda muhim rol o‘ynadi.