MILLIY ADABIYOT DAVRINING YO‘LBOSHCHI SHOIRI ZIYO GO‘KALP SHE’RIYATI

Annotatsiya

Mazkur maqolada turk ma’rifatparvar shoiri Ziyo Go‘kalp ijodi, xususan, vatan mavzusidagi she’rlari tahlil qilingan. “Turon” (“Türân”), “Vatan” (“Vatan”), “Turkchilik” (“Türklük”) singari she’rlari, shuningdek, “Qo‘lsiz xonim” (“Kolsuz Hanım”) nomli ertagining mohiyati, g‘oyasi va mazmuni o‘rganilgan. Ziyo Go‘kalp she’rlaridagi ichki kechinmalar, turk xalqining hayoti, tarixi va kelajagi, sevinchi va iztirobi qanday ifoda etilgani misollar bilan sharhlab berilgan. Tarixiy shaxslar asosida yaratilgan lirik qahramonlarning vatanparvarligi, yurt ravnaqi yo‘lidagi fidoyiligi, mardligi va jasorati yosh avlodga ibrat qilib ko‘rsatilgani ham tilga olingan. Shoirning hayot yo‘li, ijodiy merosi haqida ham ma’lumot berilgan, uning turk tili va adabiyotiga qo‘shgan hissasi ilmiy tadqiq etilgan. Milliy adabiyot davrining dastlabki jurnali hisoblangan “Yosh qalamkashlar” (“Genç Kalemler”) faoliyatidagi o‘rni ham maqolada zikr etilgan. Shoirning turkchilik haqidagi qarashlari ilmiy-badiiy asarlari tahlili misolida ochib berishga harakat qilingan. Shuningdek, turk adabiyotshunoslarining shoir ijodi haqidagi fikr-mulohazalariga ham alohida e’tibor berilgan.