FORS KO‘RFAZI MINTAQASI TURIZM MARKAZLARINING SHAKLLANISHI VA RIVOJLANISH ISTIQBOLLARI

Annotatsiya

Mazkur maqolada Fors ko‘rfazi mintaqasida turizm markazlari shakllanish sabab omillari va rivojlanish istiqbollari ularga ta’sir etish jihatlari iqtisodiy tahlil qilingan. Mintaqada yetakchi destinatsiyalar sanab o‘tilgan bo‘lib, ular turistlar oqimlari, ichki va xalqaro turistlar miqdorlari bilan solishtirilgan. Diagramma va jadvallar turli hisoblash usullarini uyg‘unlashtirilgan holda olib borilgan. Maqola statistik va iqtisodiy ma’lumotlarni keng qamrovda tahlil qilish asonosida yozilgan. Qayd etish kerakki, maqolada Yaqin Sharq mintaqasiga kiruvchi davlatlar orasida Fors ko‘rfazi davlatlari iqtisodiy salohiyati evaziga turizmi taraqqiy etgan mintaqa hisoblanadi. Tabiiy boyliklari va geografik nuqtai nazaridan turizm industriyasi shiddatli rivojlanmoqda. Bunga qator omillar misol qilib olinishi keltirib o‘tilgan. Ularga tugallanadigan biroq, qayta tiklanuvchi boy energiya resurslari hisobiga byudjet daromadlari, boy va yirik tabiiy – rekreatsion va tarixiy ob’ektlar, ulkan moliyaviy va boshqaruv evaziga turizmninig barcha turlarini rivojlantira olish qobiliyati kabilar shular jumlasidandir.

Shu borada mintaqadagi har bir davlat o‘zining muhim xususiyatlari va nyuanslariga ega: turistik resurslar, iqlim, yirik hajmli investitsiya imkoni, moddiy – texnik baza va boshqalar mintaqada turizm markazlari shakllanishiga ta’sir ko‘rsatadi bu esa bevosita turistlar oqimi xususiyatlariga bog‘liq. Bundan tashqari mintaqadagi siyosiy vaziyat, an’analar va odatlar turizmda muhim sanaladigan o‘ziga xos tur mahsulot yaratish uni ommalashtirish, harakatlantirish va mavqeini ko‘tarishga xizmat qiladi. Olingan natijalarni O‘zbekistonda turizm rivojlanishi xizmat qiluvchi yondashuvlar ishlab chiqishda qo‘llash mumkin.