YEVROPA ITTIFOQINING SIYOSIY JARAYONLARIGA MIGRATSIYANING TA’SIRI

Annotatsiya

Bugungi kunda Yevropa davlatlarida farovonlik darajasi Osiyo mintaqasiga nisbatan yuqoriligi, sanoatning rivojlanganligi yoki tez sur’atlarda rivojlanayotganligi sababli ushbu mintaqa, farovonlik va sanoatdagi rivojlanish koʻrsatkich darajasi past boʻlgan davlatlar aholisini oʻziga jalb qilmoqda. Albatta, migrantlarning mintaqaga kirib kelishi koʻplab munozaralarga sabab boʻlmoqda. Shu sababli, maqolada Yevropaga migratsiya oʻsib borishining siyosiy jarayonlarga ta’siri, migratsiyaning ahamiyati haqida bildirilgan ijobiy va salbiy fikrlarning qay darajada oʻrinli ekanligi hamda bu fiklar ijobiy va salbiy ko‘rinishiga ega bolishiga nimalar ta’sir ko‘rsatmoqda, migratsiyani amalga oshirayotgan aholi qatlami yangi muhit, o‘zining qarashlaridan farq qiladigan fikrli insonlar jamoasiga qo‘shilishga tayyormi yoki migrat yangicha hayot tarziga moslasha oladim,  yoki migrantlar borayotgan mintaqaning aholisi o‘zinikidan farq qiladigan madaniyatli, diniy etiqodli, fikrli insonlarni  qabul qila oladimi va qabul qilish jarayonida bu ikki sinf vakillarida qanday o‘zgarishlar bo‘ladi kabi mulohazalar, migrantlarning Yevropa Ittifoqi davlatlaridagi ulushi va ushbu davlatlar aholisining migrantlarga, xususan, musulmonlarga boʻlgan munosabatlari  oʻrganilgan va immigrantlarning siyosiy jarayonga ta’siri qanchalik yuqoriligi ochib berilgan. Yevropa mintaqasiga migratsiyaning ortishi koʻplab ijtimoiy-siyosiy masala va muammolarni ham paydo qildi, bu immigrantlarga boʻlgan munosabatlarni oʻzgartirdi, ijtimoiy tarmoqlarda, siyosiy jarayonlarda hususan, saylovlarda migratsiya va immigratsiya masalalari asosiy mavzulardan birini tashkil eta boshladi. Maqolada mazkur jihatlar atroflicha ochib berilgan va tegishli xulosalar bildirilgan.