Umar Sayfiddin va turk hikoyachiligi

Annotatsiya

Maqolada mashhur turk  yozuvchisi Umar Sayfiddin  hayoti va ijodi haqida soʻz yuritiladi. Turk adabiyotida hikoya janrining shakllanishi tarixi haqida ham qisqacha fikr bildirib oʻtilgan. Tanzimot davrida turk adabiyotida yangi janrlarning paydo boʻlishi va rivojlanishi xususida maʼlumotlar berilgan. Umar Sayfiddin hikoyalarining mavzusidan kelib chiqib tasnif qilinadi. Yozuvchi ijodida vatanparvarlik mavzusi, ayollar obrazining yaratilishi, xalq ijodidan oʻrnak olishi asarlari misolida koʻrsatiladi. Yozuvchining oʻziga xos uslubi, badiiy soʻz qoʻllash mahorati tahlil qilinadi.  “Uch nasihat”, “Baland poshnalar”, “Pushti durli toʻn” va boshqa hikoyalari misolida adibning hikoyanavis jihatidagi salohiyati ochib beriladi.

Ayniqsa, “Badal” hikoyasining keng tahlil qilingani yaxshi boʻlgan. Bir hikoya misolida yozuvchining qahramonlari ruhiyatini ochib berishi, asarning fojiali xotimasiga olib kelgan holatlar toʻgʻri taʼkidlanadi. Hoji va usta Ali oʻrtasidagi ziddiyat, oriyat uchun usta Alining oʻz qoʻlini chopib tashlashi asosi ishonarli tahlil qilingan. Umar Sayfiddinning birgina “Badal” hikoyasi emas, buningdek badiiy mahorat bilan yozilgan boshqa hikoyalarining nomi sanab oʻtilishi ham maʼqul, chunki bu  oʻquvchini yozuvchi ijodiga qiziqtiradi.

Maqolada muallif oʻz ilmiy fikrlarini mustahkamlash uchun ilmiy manbalardan iqtiboslar (sitata) keltiradiki bu maqolaning ilmiy qimmatini yanada oshiradi. Oʻzbekcha tarjimalari va Oʻzbekistonda nashr qilingan adabiy toʻplamlari xususida soʻz yuritilib, yozuvchining turk hikoyachiligi tarixida tutgan oʻrni ochiqlanadi..