DAVLAT VA JAMIYAT BOSHQARUVINING O‘ZBEKISTON TAJRIBASI. OCHIQ JAMIYAT YURITISH KONSEPSIYASI

Annotatsiya

O‘zbekiston mustaqilligi davrida xalqimizning huquqiy an’analarini har tomonlama va to‘liq yoritish, aniq manbalar asosida huquqiy muloqot tizimini rivojlantirish uchun keng imkoniyat yaratilmoqda. Binobarin,  mustaqillik yillarida davlat tomonidan qabul qilingan qonunlarga kiritilgan o‘zgartirish va qo‘shimchalar huquqiy tizimni takomillashtiradi, davlat va jamiyat boshqaruvida huquqiy muloqotning muhim jihatlarini ochib beradi.

Jamiyatimizda siyosiy faollik ortib bormoqda, barcha sohalarda chuqur islohotlar amalga oshirilmoqda. Ulardan ko‘zlangan maqsad - "Inson manfaatlari hamma narsadan ustun", degan oddiy va aniq-ravshan tamoyilni amalga oshirish ustuvor ahamiyatga ega bo‘lgan demokratik davlat va adolatli jamiyat barpo etishdan iborat. Davlatni samarali boshqarish uchun to‘g‘ri va aniq axborotdan foydalanish talab qilinadi. Ayni bugungi demokratik davlat qurilishi rivojlanayotgan bir davrda qonunchilik tizimining yetakchi vazifasi - huquqiy me’yorlarni xalqqa tushuntirishdan iborat, ya’ni samarali huquqiy kommunikatsiya jarayonlarini rivojlantirgan holda, qonun - eng avvalo, ma’naviy-tarbiyaviy, ahloqiy kuchga ega bo‘lishi zarurligi davr masalasiga aylangan.