ЎЗБЕКИСТОН ТАРАҚҚИЁТИНИ ЯНГИ БОСҚИЧИДА МИЛЛИЙ ЎЗЛИКНИ АНГЛАШ ВА ХАВФСИЗЛИГИНИ ТАЪМИНЛАШНИНГ АСОСИЙ ЙЎНАЛИШЛАРИ

Annotatsiya

Ғарб оммавий маданиятининг ҳар бир давлатга кириб бориши натижасида миллий ўзликни англаш, маънавият, ахлоқ, миллий қадриятлар тизимида кўплаб муаммоларни кельтириб чиқармоқда. Бундай долзарб муаммоларни ҳал қилишда одамларнинг онги, дунёқараши, тафаккур шакли, билим савиясини ўзгартириш лозим. Энг муҳими, ҳар бир мамлакат ўзининг ёш авлодини ана шундай зарарли ва хавфли ғоялардан ҳимоя қилиши зарур. Биз ўз маънавий хавфсизлигимизни ўзимиз таъминлашимиз лозим. Минтақамизда маънавий хавфсизликни таъминлаш заруриятининг сабаб­ларидан бири шундан иборатки, бозор иқтисодиёти чет эл сармоялари, замонавий техника ва технология, бозорни шакллантириш усуллари билан бир қаторда мамлакатимизга ўзининг маданияти, турмуш тарзи, дунёқараши ва тасаввурларини ҳам олиб кирмоқда.

Мазкур мақолада Ўзбекистон тараққиётини янги босқичида миллий ўзликни англаш ва хавфсизлигини таъминлашнинг асосий йўналишларидан бири ёшларнинг маънавий-маърифий жиҳатдан миллий ўзлигини англай олиши, маънавий таҳдидларга қарши кураша олиши қобилиятини янада ошириш масалаларига алоҳида эътибор қаратилган.